اتصل بنـا | من نحـــن فيسبوك
عناوين الأخبـــار
إحكام السيطرة.. علي مسرح العمليات بسيناء
رقم العدد
22208
أرشيف المســـــاء
استـــطلاع رأي
ماهو شعورك نحو قيام القوات المسلحة بتطهير سيناء من الإرهاب
 أشعر بالفخر
 أشعر بالأمن والأمان
 يظهر قوة مصر
   
مقالات رياضية
سمير عبدالعظيم
بلا حدود
سمير عبدالعظيم
سامى عبد الفتاح
كلمة حرة
سامى عبد الفتاح
طارق مراد
هاتريك
طارق مراد
إبراهيم كمال
أضواء كاشفة
إبراهيم كمال
 
مقالات الرأي   
 
جلطة المذاكرة
3/27/2014 4:13:24 PM
مروة كامل
   


لما تلاقى الست شعرها واقف زى النخلة اللى من غير بلح و بتشرب 5 فناجين قهوة فى اليوم غير النسكافيه و الشاى وكل المنبهات اللى فى الدنيا علشان تقدر تواصل بقية اليوم ولما تلاقيها عمالة تبلبع فى المسكنات زى المدمنين علشان تقدر تسيطر على الشواكيش اللى عمالة تدق فوق نفوخها و تهدى البراد اللى عمال يغلى فى دماغها و الصويت يشتغل عمال على بطال زى السارينة بتاعة عربية الاسعاف
لما تلاقى شباشب بتطير فوق دماغك زى الطيارات الهليكوبتر ولما تلاقى كلمة مش عاوزة غباء) بتتكرر اكتر من 10 مرات فى الدقيقة و لما تلاقى كراريس بتتقطع و كتب بتترمى فى كل حتة ولما جوزك ميحبش ياخد اجازة غير يوم الجمعة (علشان مفيش مدارس ولا مذاكرة )ولما العيال يجرو منك فى كل حتة هربا من سهام شبشبك
لما تربطى دماغك اخر كل شهر زى ما يكون دماغك هتهرب (علشان الامتحانات الشهرية) ولما تلاقى الخناقات اشتغلت علشان المصروف ولما تلاقى حظر التجوال اشتغل فى البيت من الساعة 8 وتبقى زى العيال الصغيرين بتنامى بدرى علشان تصحى بدرى ولما تقفى فى البيت زى النحلة علشان تخلصى كل طلباتك قبل رجوع البهوات ولما تلغى او تاجلى اى مشوار ليوم الجمعة (بالمناسبة يوم الجمعة دة يوم المشاوير العالمى)
لما تلاقى مدرسين داخلين خارجين عليكى فى البيت وكانك فتحتيها مركز تعليمى ......لما تلاقى الاعراض دى ابتدت تظهر عليكى و على بيتك وولادك ابشرى (تبقى الدراسة ابتدت )تصدقى انك لو ذاكرتى للماجستير او الدكتوراه ح يبقى اسهل لك مما لو ذاكرتى لولادك .....
كانت جدتى الله يرحمها بتقولنا انا و اصحابى (لما كلكم عاوزين ولادكم يطلعوا الاوائل يبقى مين اللى ح يطلع من الاواخر) وعلشان كلنا بنبقى واخدين الموضوع على صدرنا اوى بالله عليكم مين فيكم اهلها مبيقولولهاش (انت محسسانا انهم فى ثانوية عامة)
انا بالمنظر دا مش ح اكمل لحد الابتدائية ويا اما اركب كرسى بعجل يا اما ح تلاقونى فى العباسية حاجزة جناح يا اما محجوزة ف مستشفى بتعالج من (جلطة المذاكرة) لاء اقولكم انا ح اروح اخد الدكتوراة اسهل ....باى...باى ... اشوفكم على خير

الاسم
البريد الالكتروني
التعليق

التعليقات المسيئة سلوك غير حضاري
التعليقات
2/24/2015 11:41:25 AM مرات الإعجاب : 2   | مرات الاستياء : 2    |     بلغ عن انتهاك    |    إعجاب    |    استياء
الاسم:اسماعيل عبد المنعم على هيكل
التعليق:
من سهر الليالى بات فى العام التالى

1/23/2015 9:10:57 PM مرات الإعجاب : 4   | مرات الاستياء : 4    |     بلغ عن انتهاك    |    إعجاب    |    استياء
الاسم:حمدى عباس ابراهيم
التعليق:
اسمها مروة ؟ حلوة ! بس لازمته ايه اللى كتبته دى هى من غير اللى كتبته أحلى

 
نسخة للطباعة
 
مرات قراءة الموضوع: 25061        عدد التعليقات: 7
تقييم الموضوع : 47%
ممتاز   جيد   ضعيف      
 
 حقوق التأليف والنشر
جميع الحقوق محفوظة لدار التحرير للطبع و النشر © 2012